|
ua806
|
read my profile
sign my guestbook
Name: Jeffrey
Country: United States
State: California
Metro: Los Angeles
Gender: Male
Interests:
Expertise: ø¥hµ¥ÀG¤Ú´Nø©È³Q¸¯¸, ø¥´³Â³¶´Nø©È·|¹¬µ½k, ø¥h©ð°_´Nø·|©È©ñø§C, ø¥h¶^Ë´Nø¬~ª¦ªð°_¨
Occupation: Administrative
Industry: Airline
Message: message me
Website: visit my website
Member Since:
8/24/2004
|
|
SubscriptionsSites I Read
|
|
|
|
|  
接上文.....回憶........
到達西雅圖機場之後，就得與同機既5個Exchange Student分道揚鏢
我還有程超短途機先到達目的地
跟住由South Concourse要趕去Central Concourse轉機
搭Horizon Air既QX2120航班飛去Pasco......
那是我第一次坐螺旋槳飛機......架機只係有40個位
隻機起飛後，個空姐問邊個係第一次搭Horizon Air....
我呆呆地舉手.....咁個空姐就塞左幾張Horizon Air既Post Card同一埋零食比我
30分鐘之後就降落了......機場小得可憐.....
拎完行李之後就呆坐幾Arrival Hall....因為接待家庭沒有出現
之後Exchage Program既人就接我......
還記得我仲問佢可唔可以帶我去Costco食熱狗同買電話卡....
然後佢妹妹送我去Ritzville.....將要一年生活既地方......
一個只有1879人住既地方, 連鎖經營既只有McDonald's, Perkins, Radio Shack, US Bank, Subway同各油站
因為我既出現令到人口齊頭1880.....
記得佢妹妹竟然能講一口流利廣東話......
去到Temp Host Family果陣已經廿個鐘無訓覺.....
同Host Family兩夫婦Mr. and Mrs Bennet傾左一陣已經累極了.....只知道他們都是退休教師.....
之後就訓覺......跟住去到11點又醒了.....
就開始寫我一生人第一封情信比680..........(註: 680同106係某兩位女生的代號)
寫下又改下，搞個成幾個鐘，我竟然寫左三頁紙咁多.......
之後就狂睇同學錄、我影既飛機相、同d香港Postcard解鄉愁.....
之後，我第一次打長途電話比680......
第二朝起身Mr. and Mrs Bennet就帶左我返Ritzville High School......
跟住個Counsellor叫我星期五就要返學......
之後我就叫Host帶我去郵局.....將果封嘔心瀝血既情信寄出.......
仲好攪笑咁買左一版寄國際郵件US$0.80既郵票.....方便我日後唔洗去郵局寄信......
然後，佢地帶左我去Spokane......一個60英哩外既所謂"大城市"...
然後佢地有d野做.....所以就叫我響一個mall入面等佢地幾個鐘....
跟住返到屋企寫左N咁多封信比香港既朋友.......
到正式返學，我讀Grade 12, Senior Class, 甫踏入校門果一刻全校都認識我......
隔左幾日，剛好我黎既第7日，911事件就發生.....整個鎮瀰漫著緊張且悲痛既氣氛.....
全鎮人都響心口戴上綠絲帶..........果幾日返學睇電視新聞睇足全日.........
我係鎮上面第一個華人Exchange Student, 鎮上既報紙竟然黎訪問我.....我竟然可以上報紙....
篇訪問出街果日，我去報館買左5份報紙留念............
果陣無電腦、無上網、無機打.....每天放學都只係渣住架相機響個鎮入面遊逛同影相....
我幾乎每條街都影過相.......
有時拎住個望遠鏡睇天上面既飛機，或者去各商店與店員聊天
或者去小機場影d Cessna單引擎小飛機同埋同機場負責人吹水......
某天響RiteAid閒逛，突然諗起680從沒坐過飛機，最遠只係去過廣東清遠...
諗到一個好浪漫既idea.....就係"虛擬"地帶佢睇呢個世界....
以後每到一個地方, 我都會買一叠postcard, 每張一式兩份....一份比佢，一份自己keep...
由第二次買新Post Card開始就同自己原有果叠核對...睇下有無Double....
既可避免寄重覆, 又可營造"虛擬"帶佢看世界既感覺....
跟住校長黎Host家訪(?)" 佢叫我加入籃球隊.......
之後中秋節果日佢地帶左我去搵鎮內唯2既中國人.....可惜他們講國語既......
由於Bennet一家只係臨時Host.....之後就要轉Host.....
臨轉host之前果日佢地帶我去Spokane玩......
我響某間小玩具店見到久違的Matchbox既Leyland Titan巴士仔賣US$0.79一架...
見返呢架小時候玩過既玩具巴士，竟然有種感動既感覺，跟住一野買左10架....
之後去Barnes & Noble睇書....買左人生第一本Airliners World.....
跟住去Railroad Cafe食飯，我竟然咁點左Senior Menu既野.......
個Waitress話我too young for Senior Menu...
我仲好理直氣壯咁話我係High School既Senior，所以可以點Senior Menu.....
之後先知Senior Menu係比年長人仕點ge.....樣衰到爆.....................
跟住新Host係Fitch一家.....開油站既....
間屋3層高，7房4廳、前後花園、泳池、Hot Tub、藍球場、Gym、兩個車房，
間屋大到絕對會迷路.....
仲要養左勁多寵物...有33隻貓(跟據我自己既統計)、5隻驢、3隻狗...根本就係動物園...
但係間屋係Middle of Nowhere.........最近既鄰居係2英哩外.....
第一日去到佢地帶我去Spokane......這是我第一次買 Abercrombie & Fitch同第一次飲Starbucks....
之後去Target、Barnes & Noble、Michaels等地點買左d得意同有特色既野比680做生日禮物....
跟住去左食"假"唐餐Buffet,d waiter見到我勁開心, 勁用國語同我講野...
佢地肯定失望死，因為我果陣完全唔識國語既.................
之後我人生既第一架laptop終於收到了，同日收到第一封香港黎既信,係Ruby寄黎既.....
之前無電腦無網上都唔知點捱過既....有Laptop興奮到成晚訓唔著.....
成晚響度Download Program, MP3...同埋安裝解鄉愁經典遊戲MM2和瘋狂搜刮MM2既巴士....
同埋成晚響度播Twins、王力宏、許志安、方力申......最深刻既係"隨傳隨到".....真係好到肉....
到差唔多天光就打電話比680....果日係佢生日，同佢傾左成個鐘....
果晚Host全家就帶我出西雅圖市區.....成程車我都響度煲方力申既歌同玩MM2.....
跟住第一次去Space Needle....勁大風勁凍，吹到頭痛，塔頂果間Starbucks超好生意....
之後去西雅圖第一間Starbucks,間野既陳設、d staff既制服、飲野個杯都係維持73年style, 好old school...
然後去Public Market...終於都見識到世界聞名既"飛魚"特技...賣魚店將d十幾磅重既魚拋來拋去
同埋發現Clam Chower可能係西雅圖最受歡迎既食物.....一間鋪頭可以有十幾款Clam Chower
是但一個湯仲濃過芝麻糊10倍，加埋成個杯入面都係各類型海鮮..一個咖啡杯既份量已經飽晒...
跟住第一個Quarter完結派成績表......鎮上面既報紙又訪問我....我再一次見報.......
許志安既新碟"爛泥"推出, Twins既"愛情當入樽, 鄭秀文既"溫柔".....成隻碟我連汁都撈埋.....
之後藍球隊開始練習同比賽.....日日放學都要操練....每個禮拜五都要出賽....
主場同作客都好隆重其視，有Cheerleader、銀樂隊、band...etc...成半個鎮既人都睇捧場.....
加上有美女cheerleader大叫每個球員既名, 原來籃球員咁受歡迎....完全係"愛情當入樽"既feel.....
同埋因為鎮既報紙訪問藍球隊成員同報道出賽情形......我又再一次見報
之後何老細過黎探望我.....勁感動......仲帶左兩隻Cathay既飛機模型比我慰鄉愁........
然後Harry Potter上畫....我第一次響美國AMC睇戲.......
跟住就到Thanks Giving...Fitch一家勁多親戚黎團聚....勁熱鬧同溫馨....
之後終於開始落雪....第一次見雪....勁開心勁興奮......
之後聖誕節果陣成街都燈飾, 加埋落雪...
果排Mr. Fitch成日帶我出Spokane....所以又埋買埋好多野比680....希望聖誕前收到...
加上大量既聖誕歌....第一個白色聖誕...超有氣氛
我記得何老細同我講過過完3個checkpoint就好快返香港...聖誕節、100日、50日....
白色聖誕....我隻beat既返香港倒數還剩165日.....
跟住考SAT....幾經辛苦先搵到人兜埋我.....結果只係緊緊有4位數字.....
跟住表姐send左一個大package比我...入面竟然係出前一丁、蝦子麵、五香肉丁、回蝸肉罐頭...
響異鄉食到地道香港食物....讓人百感交集、感動萬分....
第一次響外國過年....Twins推出新碟"雙生兒"...."孖寶668"帶來過年既感覺.....
果年年初一剛好係2月14日情人節...."大浪漫主義"勁到肉.......
之後106突然搵返我....佢同我講佢岩岩大病完一場...
孤伶伶咁住左個幾月醫院....又話咩響醫院過每一日都掛念我....
又話卧病期間好想我可以捉緊佢對手響身邊支持佢...
又話好想每晚臨訓果陣手腳冰凍時我可以捉住佢對手保暖......
又話好想佢對腳凍果陣我可以捉住佢對腳保暖......
(但好難同時一齊捉住佢對手同腳ga wr....)
雖然佢過去耐不耐都要住醫院...但係無試過住咁耐....
公立醫院床位咁矜貴都可以住個幾月...肯定病得好嚴重.....
果一刻覺得好同情佢，好想take care佢....那一刻，我有閃過動搖既念頭.......
那是02年2月22日, 何老細講既第2個checkpoint....距離返香港倒數剛好100日....... | | |
|
某天在ebay無意中見到呢隻10年前出、充滿回憶既swatch beat....
二話不說就用$59.99買下來.......
見到呢隻表就會尋回很多失落了的回憶.......
十年前，1999年的暑假
那年升中四.......
還記得那年頭用的手機是灰色的Ericsson PF768
還記得中三的時候很好玩的....那時候還有680在附近(註: 680同106係某兩位女生的代號)
還記得佢request我將特別既巴士相或飛機相曬2R花邊比佢放響銀包同計數機.....
還記得那時候我同晶暉、Ruby都是Librarian....
還記得那年暑假去了薄扶林宿營
還記得當年d Herpa Wings飛機模型響商務賣HK$85一隻
還記得第1架Cathay既模型係響沙田80M買既.....
還記得那時候第一代夢幻飛機場剛推出.....
還記得那時候剛剛開始玩FS, 飛的還是Cessena 172/182和Learjet 45......
還記得那年夏天天天和大夥兒一塊出去玩....
還記得某次出MK搭87A碌車搭左個幾鐘先出到去，從此只搭81c....
還記得那時81c仲係掛膠牌Trident.....
還記得許志安"世紀末煙花"好hit.........
還記得那時候UA一天有5班機.......
之後升上中四......我讀文商科，其他人都讀理科....
與一眾好友分道揚鏢.......基都係文科，可惜係純文
過了不久，680就買左隻一模一樣但顏色唔同的swatch beat
那時候還有680和我一天到晚爆笑和詛咒某人
中四給我遇上最差勁的老師......
然後又遇上可惡既TC事件.....
差點令680這位一直守在旁邊支持的人都失去了......
(說來話長, 要由中二內外交困說起，當時只有680一個撐我.......)
跟住281A開線.......81c成為Super Olympian首航路線............
容祖兒剛剛出道, "逃避你"、"未知"、"這分鐘更愛你"紅極一時.....
陳奕迅突然紅起來..."每一個明天"、"幸福摩天輪"、"時光倒流20年"唱到街知巷聞....
TVB當時播"創世紀"....跟住播到一半被腰斬..主題曲"准我留下"勁好聽
然後到千禧年..............
許志安的"相信愛"、謝霆鋒的"愛後餘生"唱到街知巷聞.....
跟住因為做Project同Sindrew、祥發開始熟落.....
跟住開始定期去機場影飛機......
仲記得響石灘玩大富翁同鋤大D.....
同埋搵d大陸H股既名黎爆笑......例如:哈爾濱動力、第一拖拉機、四川熊貓....
之後好不容易才同680冰釋前嫌......可惜不懂珍惜
跟住就到升中五既暑假....
用既手機係當年爆型既黃色Siemens 3518i...
當時Roadshow岩岩出現....第一次響81c掛牌JF947見到Roadshow感覺好神奇....
偶然既機會去左何文田包美達中心補英文.....
第一天搭81c既膠豬去到豪華酒樓轉7B,8,18,41,45上何文田.....
當時成個何文田都係熱狗........仲要d車架架都要15-20分鐘一班....
第一天上課就認識了天使般可愛的106..........(傅說中雙魚座3月10日小女生)
識左之後就成日放學送佢返屋企、或者同佢去黃埔行街、或者到紅磡碼頭看海/遊船河.....
某晚送佢返屋企....響41號巴士既某架水塘MCW首次拖佢隻手.....
還記得當時佢手甲同腳甲都搽了粉紅色指甲油....但佢要勁多手咁刮甩了三份一既指甲油.....
之後每天見到都要十指緊扣同埋挨我膊頭......
之後去邊度玩都要搭巴士返佢屋企樓下轉車.....
補完習送佢返屋企佢堅持要坐7B和8......
響家維村落車行返去土瓜灣浙江街既屋企.....佢堅持唔肯搭41和45一程過去到樓下.....
天啊.....很遠啊!!!後來發現原來為了慢慢行能見對方多幾面！
送完佢之後我搭85B巴士返屋企每次都會遇上EW5598...架車既冷氣好似雪櫃......
那時候張學友的"愛下去"、楊千嬅的"少女的祈禱"、陳慧珊的"就算我做錯"、許志安和車沅沅的"會過去的"、蘇永康和陳慧珊的"固定伴侶" 、張智霖的"祝君好"、小雪的"說清楚"、鄭秀文的"感情線上"、容祖兒的"誰來愛我"、許志安的"一千次日落"和"半天假"...
天天在電台熱播..............
那時候TVB播的是"大囍之家"、"十月初五的月光"、"廟街媽兄弟"、"真情告白"....
世事豈能如意，最後結果大家都知.......
從此雙魚座女生成為"拒絕往來戶"和嚴重"童年"陰影.......
但41號巴士仍然持續帶黎些少幸運..............
從此九巴41號路線沿線既居民卻成為"絕對優先往來戶"....
跟住再換超搞笑既手機---Ericsson T20sc
中五的日子每天彷彿在倒數......
680又好似之前咁request要2R飛機相.....
我記得其中有ANA比卡超同Qantas Wunala同Nalanji.......
然後經典遊戲MM2正式推出.....
黎明既"愛比我重要"同盧巧音既"代你發夢"響Roadshow瘋狂精神轟炸....
鄭秀文同LMF合唱既"愛是"令大部份人首次接觸"Canton-Rap"
陳奕迅既"K歌之王"紅極一時.....
之後睇謝霆鋒活著VIVA演唱會，個發光鎖匙扣超型.....
妙手仁心做到第二輯.....超鐘意首插曲"愛不出口".....
之後放Census同會考前既假......
溫書期間用FS提神.....成日都飛UA同CX既744....
UA002HKG-LAX, UA806HKG-SFO, UA820HKG-JFK, UA896HKG-ORD飛到發夢都識飛....
第一次飛UA820香港飛紐約飛到唔夠油搞到divert左去Boston....
跟住某天悶到發霉, 然後同Ruby和琴秀響沙田中央公園影相......
到考CE期間幾乎考咁多科都遇上680.....
每次考完試都一齊吹水、詛咒某人......
那時候電台播的是陳小春的"取消資格"、張學友的"樓上來的聲音"、許志安的"眼前一亮"、陳奕迅既"Shall we talk"或"單車".....仲要成日都跟住呢個次序播.....
終於撐過會考.....最後一科考Accounting....
考完之後踏單車去第一城拎第一架SLR...Canon EOS888
跟住掘返久違了既MM2出黎玩.....偶然地發現響CG有得Download香港既巴士黎渣....
當時有Volvo Olympian同Volvo Super Olympian兩種...響game入面渣既感覺勁爽........
之後第二日0600首航赤蠟角機場......終於可以將可惡的Airbus A310影得似似樣樣.....
之後去左Exchange Program既3日兩夜既camp......
雖然下大雨，但玩左好多遊戲，超好玩識左好多人，包括Timmy、Louise、Ida、筠....
夜晚玩通頂講鬼故，Ida仲講佢住院果陣撞鬼既經歷....跟住阿筠仲嚇倒面青唇白.....
那時候成日同祥發、Sindrew、基出去玩同唱K.....
那時候Twins剛剛出道....果陣覺得"女校男生"個MV超好睇......
47x全線冷氣巴士第一天坐HJ6716果陣第一次睇王力宏"比你更好"既MV...覺得個MV超有feel....
果陣每一次入青衣都會搭43M, 都會遇上EC1693.......
但每日晏晝只要沒出街680都會同我煲幾個鐘電話粥.....
然後佢每晚準時2300打比我再繼續煲幾個鐘.......
某次去完IKEA送佢返屋企果陣搭83S某架2+2AV掛牌車略施小計拖佢手玩十指緊扣......
記得某次佢媽媽唔比佢去街, 佢竟然諗到叫我去佢樓下meet佢.....
佢屋企望倒巴士總站...咁佢就叫我上左82M打比佢話比佢聽個車牌同架車有咩特徵....
咁岩果次82M出架特見GA6027巴士專線廣告車....架車綠色既超容易認
咁佢見倒我搭果架巴士就同阿媽講話落樓寄信........
然後我架車一埋站佢就已經響總站匿響兩架82M中間等我....(避免佢阿媽睇到...XD)
之後就用超極速跑入郵局hae左好耐......
8月31日下午同祥發、Sindrew唱完K突然收到Exchange Student Placement
竟然通知我9月4日即係88個鐘之後上機飛西雅圖....
終於知咩叫忐忑.....去上環拎完Placement文件搭905巴士返MK果陣同680傾電話有想哭既感覺.....
我臨去西雅圖之前果日返母校與老師和同學道別......
然後同Ruby和禽秀影響沙田80M隔離影貼紙相.....
之後再響商務買左幾張香港既Postcard解鄉愁.....
然後搭81號巴士出MK等680放學響信和見面......
hae左好耐之後.....終於要在旺角火車站分別.....
佢要返沙田, 入左閘我同佢企響路中心握手道別........牽手對望左10分鐘......
跟住我要去紅磡海濱廣場meet何老細同去黃埔吉野家同可怕既106道別....
去完紅磡再入上水與一眾親戚道別.....
果晚2300 "Only Love"電話鈴聲最後一次響起.....
原本佢打算送機, 但要返學所以沒黎.....
第二日一早我就搭E42頭班車去機場.....果架Trident車牌係HT7467.....
與老豆道別之後就同成班Exchange Students搭Northwest既飛機經東京飛西雅圖..........
那時候NW大部份Trans Pacific線都係飛747-200B.......
忐忑地踏上NW018航班, 那天飛的是N633US....
還記得我坐右邊窗口位.......
當飛機飛過沙田既時候....強忍過的淚水奪眶而出...............
吃過世上最難食既飛機餐....傅說中的超硬牛肉腸、煎燶既薯寶配發泡膠味炒蛋....
好不容易到了西雅圖......
落機後沒有見到Host Family
等果陣我就把手上的beat調較返香港日子既倒數......288 days to go.............
然後Program Coordinator黎接我.......我還嚷著要去Costco吃熱狗.........
(待續......To be Continue....)
轉眼就這麼多年了........
註: 680同106係某兩位女生的代號
轉眼就這麼多年了........
機會一次又一次出現.......
我卻一次又一次讓它溜走......
成為了這些年來的懷憾......
| | |
| 
平時flight delay原因不外乎飛機壞了、壞裝機系統、火山爆發、大貨裝卸....
琴晚班1058 Delay原因簡直一世難忘....
話說琴晚如常送貨機.....
咁班機師如常到front desk報到
跟住front desk打上黎我office話個Crew List有問題
落到去就見到兩位熟悉既美藉機長同兩位華人副機長
原本兩個華人機長唔知去左邊已經好奇怪....
跟住後來我老細都落趕黎
後來得知係臨時換人....咁咪叫人改返岩個crew list...
點知帶隊美藉機長好嚴肅咁同我講"Jeff, I need your translation"
咁我講go ahead.....
佢竟然同我講"I don't have my passport with me"......
當堂呆左.....
跟住佢又話"is it possible that I have my daughter bring my passport to you,
and you pass the passport to one of the CA984(flight to Beijing) crew then pass it to
me in Beijing....."
我老細話OK........
跟住我猛然醒覺....我同老細講"但這1058航班是飛上海浦東, 984是飛北京的，肯定趕不上...那他沒有passport在浦東怎樣入境ar...."跟住老細同美藉機長先如夢初醒.......
咁美藉機長就立刻打返去酒店叫酒店d人再幫忙響間房搵下....結果搵唔倒
咁跟住佢打比佢個女叫佢個女響屋企搵下.....
隔左好耐...終於響佢位於鳳凰城既屋企搵到....
OMG.....鳳凰城....................600 miles away from LAX....
之後就叫佢個女搭下班機飛過黎LA帶個passport比佢....
但果陣距離預定起飛時間唔夠一個鐘.....
跟住飛LAX既所有flights全滿，買唔到飛.....
結果就叫佢個女買ticket飛Burbank(30miles away from LAX)，然後再搭的士黎LAX....
Air China規定越洋航班一定要有兩位機長，所以唯有等佢女響凰鳳城飛過黎....
Which is 最快都要3個鐘之後......
咁唯有通知北京Flight Delay....同埋
為免Crew Overtime, 所以送返班機師返酒店訓覺.....
同埋要換過批新既飛機餐.......
果陣已經8點幾9點....餓到癲左
所以就求其笠左兩個久違了既飛機餐heat返熱黎食.....
然後響office等佢個女.....
好不容易，佢個女終於響11點40分到我office...
然後再將個passport轉交美藉機長.......
飛機最後響00:33起飛.....Delay了3個半鐘.....
壞機、機翼被捅穿引致delay都有先例.....
但因為機長漏帶Passport引致Flight Delay....
絕對係前無古人、後無來者...
最起碼係Air China成立21以黎既首次................
P.S. 最慘係個理由勁好笑但唔笑得..........
久違了的飛機餐..........
| | |
|  
呢個世界其實有好多隧巴響度團團轉......
問題係有無信心去主動爭取......
但我而家連遞隻手截佢埋站既信心都無......
成日都覺得就算遞左手都可以繼續飛站.....
就算肯埋站，都可以即刻關門走人......
就算肯埋站，張八達通都可能唔夠錢扣......
就算肯埋站，架車唔收我張八達通......
就算上到車，都可能兩個站就被趕落車.....
就算上到車，可能發現原來搭錯車.......
就算無搭錯車，可能都捱唔倒入隧道就自動或被迫棄機落車......
而且好多野爭取與成功與否絕無關係..........
(上述都係比喻.....唔係講緊搭車......) 越黎越覺得無自信........
連主動爭取既勇氣和能力都失去了.....
越黎越覺得唔知為乜........
呢排老細出trip.....
我又順理成章地acting......
就算放假, d電話都係由07開始響.....
d E-mail都係照樣要覆，operation上既野都照樣要管.....
感覺只不過將office搬左去屋企Home office......
好似上個禮拜加班機既事....我電話幾乎無停過.....
下面地面代理既人繼續唔聽話....
仲越黎越變本加厲、越黎越離譜......
隔一兩日就爆下大單野......
倉個Supervisor仲串到/惡到同我地其中一個Top5 account鬧交......
你咩X野態度呀?係咪以為自己係掃把就大晒呀?
咁我話晒都高你好多級....咁我係咪可以剷爆你全家呀?
開左幾十次會都無用......
我就唔係好明.....
點解d外判商可以咁串.....
我話晒都係掛名既阿ger.....
我地又係top account....
都仲可以咁唔聽話....仲可以故意作對......
呢d叫咩態度............
| | |
|
呢幾日既活動非常充實....
Wed: 同秀麗、龜、B、彤彤、Timmy、波參加Tomoko畢業典禮，行街，食壽司、之後上秀麗屋企劈酒(我有劈到咩????)
Thur晚: 燒野食，去Energy唱K...
Fri晚: 上秀麗屋企打8圈麻雀
Sat: 參加琪琪同Edmund既海灘BBQ Fareware party，然後再去Tea Station飲野....
2x歲後既世界轉變得比我想像中快......
好多野好似發生左無幾耐，但又要改變......
琪琪同Edmund下個禮拜六就要搬返Texas la...........
好多野都好似唔係好耐咁.....
我響06年Rick既生日Party識琪琪既....
跟住某次去接Katrina既時候無野做響度hae.....唔知點解講開170及我其他情史
跟住琪琪就發明左10miles圈定理......同埋Zip Code rule....
就係話首先搵一張地圖，然後用我屋企既Zip Code畫1個半徑10miles既圈
咁然後當我識一個新既女仔Potential Target既時候...
響問人拎電話, MSN, Facebook之前，首先問個女仔拎Zip Code......
(因為電話Area Code可以呃人，但Zip Code無得呃)
然後睇下果個Zip Code係咪響我屋企既10miles距離內.....
之後先決定繼唔繼續.....
話以方法有助節省Communte時間、燃油成本等等.......
之後呢，就睇下個女仔係咪用T-mobile.....
因為反正有Mobile to Moblie....煲電話粥都唔驚爆分鐘
(相信靈感係來自680...當時平均1日可以煲4-5個鐘電話.....)
某次琪琪坐我車，出面明明好熱(成90F/30C)....
但叫我開暖氣.....話因為d腳趾好凍....
(d腳趾咁怕凍就唔好學人著Brikenstone拖鞋la....仲要搽d莫名奇妙既腳趾甲油wr.........hahaha) 之後，去Knotts Scary Farm玩，去鬼屋嚇返d鬼轉頭、玩跳樓機.....
再之後瘋狂去Ontario Mills......."巡視"AF同Hollister
某次"王秀麗"呢個terms都可以爆笑......(都唔知笑咩.....)
之後第一次現場睇NBA....
然後到Edmund搬趕黎LA....跟住協助我用Craiglist黎識小妹妹.....
(In Fact, 果個小妹妹係超勁可愛型.....好似我d類型....但唔知係咩星座....)
跟住Santa Monica踏單車....(食風????)
之後某次去Energy唱K...以為好聰明咁Book晒兩日，點知System Down.....
後來我開始固定地要送CA984客機，間中識到空姐，所以又狂笑我d所謂豔遇
狂笑我豔福無邊.....(很不幸...這是CA唔係CX law...如果係CX會開心好多)
又狂笑CA的空姐既所作所為.......
然後我公司貨機B-2476被桶穿機翼，就狂笑波音特制超級膠紙d功效....
連超級病機B-2409果d壞既野都可以用黎爆笑....
仲話因為我有份處理過d機點整.....同埋知道架機Minimum Stardard係點
所以好適合去做飛機工程師去幫公司將d飛機維持響Minimum既水平......
同埋狂笑我呢個掛名阿ger公務繁忙、日理萬機
之後又勁串AM1430的低能廣告，仲要鬧扮埋出黎.....
一致認為達昌珠寶個廣告死八婆最難頂.....
然後又發明長方型定理......
即係識新Targe小妹妹照樣問Zip Code...
但將覆蓋範圍由10miles圈擴大為返工途經地方沿線5miles....
因此覆蓋範圍好似長方型......
之後Edmund生日同埋第一次踩冰.....
跟住某次去極怪既沸騰漁鄉打邊爐.....
話說果個餐廳環境同服務極有大陸feel...
狂笑果間餐廳極有中國特色社會主義感覺......
可以發展同Lonely Planet合作成為有有中國特色社會主義既主題餐廳，一定大受歡迎
之後就去萬人空巷既Universal Studio除夕倒數.....同響ItsSugar狂影相
然後琪琪生日拉大隊響Energy慶祝.....終於響Angel既協助下學識點玩波子棋....(損人不利己玩法)
我生日果日去左天天食飯，同埋有個好神奇既蛋糕.....
之後拉大隊上SF睇Eason演唱會.......響酒店度成村人玩通頂同睇學警.......
之後去Yosemite玩左1個鐘....影左勁多超爆笑既相......
之後摘Strawberry變左唱K....
仲有近期既170再次現身事件幫我詳分析同傾..........
琪琪......好開心識到你....
多謝你過去3年提供大量歡笑.....
多謝你發明咁多搞笑野......
多謝你把所有野變成好好笑.....
多謝你過去3年提供正能量......
多謝你過去3年成日聽我呻.....
多謝你過去3年咁撐我.....
萬分感謝......
我會掛念你的.....
祝你在Houston前程錦繡、生活愉快!
| | |
|
